1. കർത്താവേ, സഹായിക്കേണമേ;
ദൈവഭക്തർ ഇല്ലാതായിരിക്കുന്നു;
മനുഷ്യമക്കളിൽ വിശ്വസ്തരാരും ഇല്ലാതായി.
2. ഓരോരുത്തരും അയൽക്കാരനോട്
അസത്യം പറയുന്നു;
അവരുടെ അധരങ്ങളിൽ മുഖസ്തുതിയും
ഹൃദയത്തിൽ കാപട്യവുമാണ്.
3. മുഖസ്തുതി പറയുന്ന അധരങ്ങളെയും
വീമ്പിളക്കുന്ന നാവിനെയും
കർത്താവ് ഛേദിച്ചുകളയട്ടെ.
4. നാവുകൊണ്ടു ഞങ്ങൾ ജയിക്കും;
അധരങ്ങൾ ഞങ്ങൾക്കു തുണയുണ്ട്;
ആരുണ്ട് ഞങ്ങളെ നിയന്ത്രിക്കാൻ
എന്ന് അവർ പറയുന്നു.
5. എന്നാൽ കർത്താവ് അരുളിച്ചെയ്യുന്നു;
ദരിദ്രർ ചൂഷണം ചെയ്യപ്പെടുന്നു;
പാവങ്ങൾ നെടുവീർപ്പിടുന്നു;
അതിനാൽ അവർ ആശിക്കുന്ന അഭയം
ഞാൻ അവർക്കു നൽകും.
6. കർത്താവിന്റെ വാഗ്ദാനങ്ങൾ നിർമ്മലമാണ്;
ഉലയിൽ ഏഴാവർത്തി ശുദ്ധി ചെയ്തെടുത്ത
വെള്ളിയാണ്.
7. കർത്താവേ, ഞങ്ങളെ കാത്തുകൊള്ളേണമേ!
ഈ തലമുറയിൽ നിന്നു ഞങ്ങളെ
കാത്തുകൊള്ളേണമേ!
8. ദുഷ്ടർ എങ്ങും പരതിനടക്കുന്നു;
മനുഷ്യപുത്രരുടെ ഇടയിൽ
നീചത്വം ആദരിക്കപ്പെടുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ