എല്ലാം ദൈവത്തിന്റെ ദാനം

                                        സങ്കീര്‍ത്തനം 127 

 1. കർത്താവു വീടു പണിയുന്നില്ലെങ്കിൽ

         പണിക്കാരുടെ അദ്ധ്വാനം വ്യർത്ഥമാണ്;

    കർത്താവു നഗരം കാക്കുന്നില്ലെങ്കിൽ

         കാവൽക്കാർ ഉണർന്നിരിക്കുന്നതും വ്യർത്ഥം.

2. അതിരാവിലെ എഴുന്നേൽക്കുന്നതും വളരെ വൈകി

        കിടക്കാൻ പോകുന്നതും കഠിനപ്രയത്നം ചെയ്ത്

                ഉപജീവിക്കുന്നതും വ്യർത്ഥമാണ്.

  തന്റെ പ്രിയപ്പെട്ടവർ ഉറങ്ങുമ്പോൾ കർത്താവു്
            അവർക്ക് വേണ്ടതു നൽകുന്നു.
3. കർത്താവിന്റെ ദാനമാണ് മക്കൾ;
                     ഉദരഫലം ഒരു സമ്മാനവും.
4. യൗവനത്തിൽ ജനിക്കുന്ന മക്കൾ യുദ്ധവീരന്റെ
         കൈയിലെ അസ്ത്രങ്ങൾ പോലെയാണ്.
5. അവ കൊണ്ട് ആവനാഴി നിറയ്ക്കുന്നവൻ
        ഭാഗ്യവാൻ; നഗരകവാടത്തിൽ വച്ച് 

            ശത്രുക്കളെ  നേരിടുമ്പോൾ 

     അവന് ലജ്ജിക്കേണ്ടി വരികയില്ല.