ദുഷ്ടനിൽ നിന്നു രക്ഷിക്കണമേ

സങ്കീർത്തനം 140 

1. കർത്താവേ,  ദുഷ്ടനിൽ നിന്ന് എന്നെ  
                മോചിപ്പിക്കണമേ!
    അക്രമികളിൽ നിന്ന് എന്നെ 
                        കാത്തുകൊള്ളേണമേ!
2. അവർ തിന്മ നിരൂപിക്കുകയും നിരന്തരം
        കലഹമിളക്കി വിടുകയും ചെയ്യുന്നു. 
3. അവർ തങ്ങളുടെ നാവ് സർപ്പത്തിന്റെ 
         നാവുപോലെ മൂർച്ചയുള്ളതാക്കുന്നു ;
    അവരുടെ അധരങ്ങൾക്കു കീഴിൽ 
            അണലിയുടെ വിഷമുണ്ട്‌.
4. കർത്താവേ, ദുഷ്ടരുടെ കൈകളിൽ നിന്ന് 
       എന്നെ കാത്തുകൊള്ളേണമേ!
    എന്നെ വീഴിക്കാൻ നോക്കുന്ന 
          അക്രമികളിൽ നിന്ന് എന്നെ 
                 രക്ഷിക്കണമേ!
5. ഗർവിഷ്ഠർ എനിക്കു കെണിവെച്ചിരിക്കുന്നു;
    അവർ എനിക്കു വല വിരിച്ചിരിക്കുന്നു;
    വഴിയരികിൽ അവർ എനിക്കു 
               കുടുക്കൊരുക്കിയിരിക്കുന്നു.  
6. കർത്താവിനോടു ഞാൻ പറയുന്നു: അവിടുന്നാണ് 
                          എന്റെ ദൈവം;
    കർത്താവേ, എന്റെ യാചനകളുടെ സ്വരം 
              ശ്രവിക്കണമേ!