കൃതജ്ഞതാഗീതം
1. കർത്താവേ, ഞാൻ പൂർണ്ണഹൃദയത്തോടെ അങ്ങേക്കു
നന്ദി പറയുന്നു;
ദേവന്മാരുടെ മുൻപിൽ ഞാനങ്ങയെ
പാടിപ്പുകഴ്ത്തും.
2. ഞാൻ അങ്ങയുടെ വിശുദ്ധമന്ദിരത്തിനു നേരെ
ശിരസ്സു നമിക്കുന്നു;
അങ്ങയുടെ കാരുണ്യത്തെയും
വിശ്വസ്തതയെയും ഓർത്ത്
അങ്ങേക്കു നന്ദി പറയുന്നു.
അങ്ങയുടെ നാമവും വാഗ്ദാനവും അത്യുന്നതമാണ്.
3. ഞാൻ വിളിച്ചപേക്ഷിച്ച നാളിൽ അവിടുന്ന്
എനിക്കുത്തരമരുളി;
അവിടുന്ന് എന്റെ ആത്മാവിൽ ധൈര്യം പകർന്ന്
എന്നെ ശക്തിപ്പെടുത്തി.
4. കർത്താവേ, ഭൂമിയിലെ സകല രാജാക്കന്മാരും
അങ്ങയെ പ്രകീർത്തിക്കും; എന്തെന്നാൽ,
അവർ അങ്ങയുടെ വാക്കുകൾ
കേട്ടിരിക്കുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ