കർത്താവിന്റെ കാരുണ്യം അനന്തമാണ്

സങ്കീർത്തനം 136
              

1. കർത്താവിനു നന്ദി പറയുവിൻ;
    അവിടുന്നു നല്ലവനാണ്.
   അവിടുത്തെ കാരുണ്യം അനന്തമാണ്.
2. ദേവന്മാരുടെ ദൈവത്തിനു നന്ദി
              പറയുവിൻ;
   അവിടുത്തെ കാരുണ്യം അനന്തമാണ്.
3. നാഥന്മാരുടെ നാഥനു നന്ദി
              പറയുവിൻ;
   അവിടുത്തെ കാരുണ്യം അനന്തമാണ്.
4. അവിടുന്നു മാത്രമാണ് അത്ഭുതങ്ങൾ
           പ്രവർത്തിക്കാൻ കഴിയുന്നവൻ;
    അവിടുത്തെ കാരുണ്യം അനന്തമാണ്.
5. ജ്ഞാനം കൊണ്ട് അവിടുന്നു്
           ആകാശത്തെ സൃഷ്ടിച്ചു;
    അവിടുത്തെ കാരുണ്യം അനന്തമാണ്.
6. അവിടുന്നു് സമുദ്രത്തിനു മേൽ
             ഭൂമിയെ വിരിച്ചു;
    അവിടുത്തെ കാരുണ്യം അനന്തമാണ്.
7. അവിടുന്നു് മഹാദീപങ്ങളെ സൃഷ്ടിച്ചു;
    അവിടുത്തെ കാരുണ്യം അനന്തമാണ്.
8. പകലിനെ ഭരിക്കാൻ അവിടുന്ന്
             സൂര്യനെ സൃഷ്ടിച്ചു;
   അവിടുത്തെ കാരുണ്യം അനന്തമാണ്.
9. രാത്രിയെ ഭരിക്കാൻ  ചന്ദ്രനെയും
      നക്ഷത്രങ്ങളെയും സൃഷ്ടിച്ചു;
    അവിടുത്തെ കാരുണ്യം അനന്തമാണ്.