1. സ്വര്‍ഗ്ഗവാസികളെ,
കര്‍ത്താവിനെ സ്തുതിക്കുവിന്‍;
മഹത്വവും ശക്തിയും അവിടുത്തെതെന്നു
പ്രഘോഷിക്കുവിന്‍.
2. കര്‍ത്താവിന്റെ മഹത്വപൂര്‍ണ്ണമായ
നാമത്തെ സ്തുതിക്കുവിന്‍;
വിശുദ്ധ വസ്ത്രങ്ങളണിഞ്ഞ്
അവിടുത്തെ ആരാധിക്കുവിന്‍.
3. കര്‍ത്താവിന്റെ സ്വരം ജലരാശിക്ക് മീതെ
മുഴങ്ങുന്നു;
ജലസഞ്ചയങ്ങള്‍ക്കു മീതെ മഹത്വത്തിന്റെ
ദൈവം ഇടിനാദം മുഴക്കുന്നു.
4. കര്‍ത്താവിന്റെ സ്വരം ശക്തി
നിറഞ്ഞതാണ്‌;
അവിടുത്തെ ശബ്ദം പ്രതാപമുറ്റതാണ്.
5. കര്‍ത്താവിന്റെ സ്വരം
ദേവതാരുക്കളെ തകര്‍ക്കുന്നു;
കര്‍ത്താവ്‌ ലെബനോനിലെ
ദേവതാരുക്കളെ ഒടിച്ചു തകര്‍ക്കുന്നു.
6. അവിടുന്ന് ലെബനോനെ
കാളക്കുട്ടിയെപ്പോലെ തുള്ളിക്കുന്നു;
സീറിയോനെ കാട്ടുപോത്തിനെപ്പോലെയും.
7. കര്‍ത്താവിന്റെ സ്വരം
അഗ്നിജ്വാലകള്‍ പുറപ്പെടുവിക്കുന്നു.
8. കര്‍ത്താവിന്റെ സ്വരം മരുഭൂമിയെ
വിറകൊള്ളിക്കുന്നു;
കര്‍ത്താവ്‌ കാദെഷ് മരുഭൂമിയെ
നടുക്കുന്നു.
9. കര്‍ത്താവിന്റെ സ്വരം ഓക്ക്മരങ്ങളെ
അത് വനങ്ങളെ വൃക്ഷരഹിതമാക്കുന്നു;
അവിടുത്തെ ആലയത്തില്‍ മഹത്വം
എന്നെല്ലാവരും പ്രഘോഷിക്കുന്നു.
10. കര്‍ത്താവ്‌ ജലസഞ്ചയത്തിനു മേല്‍
സിംഹാസനസ്ഥനായിരിക്കുന്നു;
അവിടുന്ന് എന്നേക്കും രാജാവായി
സിംഹാസനത്തില്‍ വാഴുന്നു.
11. കര്‍ത്താവ്‌ തന്റെ ജനത്തിനു ശക്തി
പ്രദാനം ചെയ്യട്ടെ !
അവിടുന്ന് തന്റെ ജനത്തെ
സമാധാനം നല്‍കി അനുഗ്രഹിക്കട്ടെ!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ