1. ദൈവമില്ല എന്ന് മൂഢൻ തന്റെ ഹൃദയത്തിൽ പറയുന്നു;
മ്ളേച്ഛതയിൽ മുഴുകി അവർ ദുഷിച്ചിരിക്കുന്നു.
നന്മ ചെയ്യുന്നവര്‍ ആരുമില്ല.
2. കർത്താവ് സ്വർഗ്ഗത്തിൽനിന്നു
മനുഷ്യമക്കളെ നോക്കുന്നു;
ദൈവത്തെത്തേടുന്ന വിവേകികളുണ്ടോ എന്ന്
അവിടുന്ന് ആരായുന്നു.
3. എല്ലാവരും വഴിതെറ്റി ഒന്നുപോലെ ദുഷിച്ചുപോയി;
നന്മ ചെയ്യുന്നവനില്ല; ഒരുവൻ പോലുമില്ല.
4. ഈ അധർമ്മികൾക്കു ബോധമില്ലേ?
ഇവർ എന്റെ ജനത്തെ അപ്പം പോലെ
തിന്നൊടുക്കുന്നു;
ഇവർ കർത്താവിനെ വിളിച്ചപേക്ഷിക്കുന്നില്ല.
5. അവിടെ അവരെ പരിഭ്രാന്തി പിടികൂടും;
എന്തെന്നാൽ ദൈവം നീതിമാന്മാരോടു
കൂടെയാണ്.
6. നിങ്ങൾ ദരിദ്രന്റെ പ്രതീക്ഷകളെ
തകർക്കാൻ നോക്കും;
എന്നാൽ കർത്താവ് അവന് അഭയമായുണ്ട്.
7. ഇസ്രായേലിന്റെ വിമോചനം
സീയോനിൽനിന്നു വന്നിരുന്നെങ്കിൽ!
കർത്താവ് തന്റെ ജനതയുടെ സുസ്ഥിതി
പുനഃസ്ഥാപിക്കുമ്പോൾ യാക്കോബ്
ആനന്ദിക്കും; ഇസ്രായേൽ സന്തോഷിക്കും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ