അയൽക്കാരനോടുള്ള കടമകൾ

നിന്നെ വിശ്വസിച്ചു പാർക്കുന്ന
       അയൽക്കാരനെ ദ്രോഹിക്കാൻ
                ആലോചിക്കരുത്;
നിനക്ക് ഉപദ്രവം ചെയ്യാത്തവനുമായി
              കലഹിക്കരുത്.
അക്രമിയുടെ വളർച്ചയിൽ അസൂയപ്പെടുകയോ
     അവന്റെ മാർഗ്ഗം അവലംബിക്കുകയോ അരുത്.
ദുർമാർഗ്ഗികളെ കർത്താവ് വെറുക്കുന്നു;
സത്യസന്ധരോട് അവിടുന്ന്
           സൗഹൃദം പുലർത്തുന്നു.
ദുഷ്ടരുടെ ഭവനത്തിന്മേൽ കർത്താവിന്റെ
          ശാപം പതിക്കുന്നു;
എന്നാൽ നീതിമാന്മാരുടെ ഭവനത്തെ
      അവിടുന്ന് അനുഗ്രഹിക്കുന്നു.

(സുഭാഷിതങ്ങൾ 3:25 - 34)